Се засилува борбата против таканаречената филмска мафија која преку Филмскиот фонд или подоцна Агенцијата за филм распределувала големи парични средства на проекти со сомнителни одлуки и злоупотреби на службената положба.
Сега Финансиската полиција поднесе нови кривични пријави против поранешните директори на Агенцијата за филм како и против претседателот на Управниот одбор на Агенцијата за филм, за злоупотреба на службената положба.
Според кривичната пријава, двајцата поранешни директори спротивно на законот му овозможиле на претседателот на УО истовремено да учествува како филмски работник, директор на фотографија и кинематографер, во реализација на десет филмски проекти финансирани од Агенцијата за филм, а кои претходно ги одобрил самиот тој.
Со тоа тој прибавил корист за себе од над 100.000 евра преку неколку продуцентски куќи.
