Едно лице загинало во една од вкупно 19 сообраќајки регистрирани во текот на вчерашниот ден на подрачјето на СВР Скопје. Во седум незгоди биле полесно повредени 12 лица, а во 11 била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Триесет и двајца возачи се движеле со брзина поголема од дозволената, двајца поминале на крстосница на црвено светло и двајца возачи за неправилно престигнување. Од сообраќај биле исклучени четворица возачи кои го управувале возилото под дејство на алкохол и четворица возачи пред да се стекнат со право на управување на моторно возило, како и пет возила со истечена важност на сообраќајната дозвола и едно технички неисправно возило. Затекнати биле 130 непрописно паркирани возила.
Со помош на специјалното возило пајак, отстранети биле 86 возила.
