Уапсен еден од маскираните на 27 април кој се бараше со меѓународна потерница
Еден од петмината осомничени за 27 април кои се бараат со меѓународна потерница е уапсен, дознаваме од извори во истрагата. Станува збор за Младен Додевски, а апсењето било спроведено синоќа.
Од МВР засега ниту ја потврдуваат ниту ја демантираат оваа информација, но од Јавното обвинителство веќе ја потврдија информацијата.
На Додевски и на останатите осомничени кои се бараат со потерници им е определен притвор. Делото за кое се сомничат е терористичко загрозување на уставниот поредок и безбедноста.
Додевски, според сомненијата е едно од оние лица кои маскирани и со фантомки влегоа во Собранието на „крвавиот четврток“.
Покрај него, со меѓународна потерница се бараат и Александар Василевски – Нинџа, Никола Митревски – Кољо, Дејан Давидовски и Митре Питроповски.
