„Југо“ за 50 евра, „мерцедес“ за 2000 евра – УЈП распродава запленети автомобили и предмети
Управата за јавни приходи продава движни и недвижни предмети запленети по основа на неплатени даночни долгови на јавна аукција што ќе се одржи на 26 јануари. На продажба се нудат дваесетина автомобили и комбиња, компјутери, телевизори, разни видови машини, земјоделско земјиште и деловни објекти.
УЈП нуди на продажба автомобил марка „југо“ со почетна цена од 3000 денари, автомобил „форд“ со почетна цена од 6000 денари, автомобил „мерцедес“ со почетна цена од 107 илјади денари. Листата е достапна на веб-страницата на УЈП.
