Научниците на германскиот Потсдамски институт за изучување на климатските промени објавиле предупредување дека поплавите во наредните 25 години ќе бидат се почести и се покатастрофални.
Потсдамскиот институт предупредува дека на удар на поплавите ќе се најдат дури и пустините.
Истражувачите наведуваат дека од тие речиси “библиски поплави” најмногу ќе страдаат жителите на Азија, САД и Централна Европа.
Бројот на поплави и нивната моќ ќе се зголемува, што веќе полека и се случува, поради се попогубниот ефект на “стаклена градина”, глобалното затоплување, забрзаното топење на ледниците и растот на нивото на морињата и океаните.
“Температурите на Земјината површина се повеќе се ќе зголемуваат во наредните 20-30 години. Тоа ќе ги услови промените во структурата на врнежите и се поголемиот ризик од поплави во целиот свет” , категорични се германските научници.
Според нивните истражувања и проценки, “специјална заштита” од поплавите ќе биде потребна на големите територии во САД, во Централна Европа, североисточна и западна Африка, како и во големи делови на Индија и Индонезија.
Германските научници објавиле 10 хидролошки и пет глобални климатски модели за блиската иднина.
Тие пресметале дека до 2040-тите години поплавите ќе погодат најмалку 156 милиони жители на Азија, 12 милиони во Јужна Америка и 35 милиони во Африка. Во Европа во најголема опасност ќе бидат Германија, Полска, Шведска и другите држави околу Балтичкото море.
Потсдамскиот институт проценува дека апокалипса може да се избегне, но дека веќе сега мора да се преземат мерките утврдени по Парискиот климатски договор.
