Меланија Трамп има подобар рејтинг од претседателот
Новата анкета на Си-ен-ен покажува дека првата дама Меланија Трамп останува попопуларна од својот сопруг, претседателот Доналд Трамп.
Госпоѓата Трамп е со 47 отсто поволен рејтинг, додека бројките на одобрување на претседателот изнесуваат 40 отсто, според анкетата на Си-ен-ен спроведена од ССРС.
Првата дама главно има стабилна позитивност во поголем дел од изминатата година, достигнувајќи го врвот во март на 52 отсто, но во последниве неколку месеци држејќи се на средни до горни 40. На приватна, свечена вечера во Белата куќа во септември минатата година претседателот им ја претстави жена си на гостите нарекувајќи ја „ѕвездата на семејството Трамп“ и додавајќи: „Ја сака народот, ви кажувам. Ја прошетавме цела Флорида. Го прошетавме цел Тексас, и тие ја сакаат Меланија, а таа едноставно ужива да им помага со она што го прави и да работи со вас луѓе.“
Пред една година поволните бројки на Меланија Трамп изнесуваа 36%, со неверојатни 23% што немаат мислење за неа. Денес, таа бројка изнесува 16%, бидејќи госпоѓата Трамп, чиј профил е значително понизок од оној на нејзината претходничка, Мишел Обама, продолжува да развива своја кауза и нејзината јавна улога да ѝ станува сè попријатна.
Овие последни резултати покажуваат дека неповолниот рејтинг на Меланија е 37%, додека истиот рејтинг на нејзиниот сопруг изнесува 55%. И иако и самата госпоѓа Трамп е емигрант, нејзиниот поволен рејтинг кај таа група изнесува само 23%, додека 50% од родените во САД ѝ даваат позитивна оценка. Како што се очекуваше, републиканците се главни поддржувачи на госпоѓата Трамп, со поволност од 79%, наспроти 23% од демократите што ја гледаат позитивно. Таа продолжува да биде попопуларна кај мажите отколку кај жените, со 53% наспроти 41%. Помладите Американци не се толку задоволни од првата дама како постарата генерација; нејзините најголеми фанови, според оваа анкета, се на возраст над 50 години.
