Полициски службеник до бесвест ја претепал својата сопруга
Во текот на вчерашниот ден полицискиот службеник В.Т. во својот дом во Куманово околу 20 часот и 30 минути под дејство на алкохол започнал вербална расправија со својата сопруга Н.Т.(31), а потоа и физички ја нападнал.
Како што информираат од МВР, од нападот жената паднала во бесвест. В.Т. бил лишен од слобода, при што му бил одземен службениот пиштол, со две рамки и 30 куршуми. За настанот веднаш бил известен и одделот за внатрешна контрола и професионални стандарди.
