Три дена подоцна, бродот се појавил надвор од подрачјето кое се пребарува и на планираниот пат кон австралиското пристаниште Фремантл.
Бродот кој трагал по малезискиот авион “MH370” исчезнал од радарот на три дена, откако без објаснување бил исклучен неговиот сателитски надзорен систем, пишува “Guardian”.
На почетокот на јануари, малезиската влада ја вработила американската компанија “Ocean Infinity” во потрагата по авионот на компанијата “Malaysia Airlines”, исчезнат во март 2014. година. Бродот на компанијата “Ocean Infinity”, наречен “Seabed Constructor”, тргнал во потрага на 22. јануари, но по десет дена го исклучил својот систем за автоматска идентификација, без никакво објаснување.
Три дена подоцна, бродот се појавил надвор од подрачјето кое го пребарува и на планираниот пат кон австралиското пристаниште Фремантл. Ни малезиската влада ни “Ocean Infinity” не објасниле како бродот исчезнал од сите радари, но по кој пат се движел тие три дена.
Семејствата на загинатите во падот на авионот се јавиле во малезиската влада и американската компанија да им го објаснат тридневното исчезнување на бродот. Роднина на едно лице на летот “MH370” изјавил: “Сметам дека инцидентот е чуден и загрижувачки. Ако исчезнувањето било намерно планирано, потребно е негово објаснување. Ако бродот исчезнал од радарот од друга причина, треба да ни го кажат и тоа”.
Експертот кој го следи бродот, Кевин Руп, изјавил дека верува дека екипажот одлучил да го исклучи системот за следење на бродот, за да ги заштити семејствата на жртвите од непотребен стрес.
Руп смета дека екипажот заклучил дека поради следењето на движењето на бродот би можело да дојде до разни претпоставки дека нешто пронашол, што би ги вознемирило семејствата на жртвите.
Авионот на летот од Куала Лумпур до Пекинг исчезнал во март 2014. година. Податоците од радарите и сателитите покажале дека авионот нагло ја променил насоката кон Индискиот океан и се урнал. Во моментот на падот, во авионот имало 239 лица.
