Едно лице потешко повредено, а четири полесно во 10 сообраќајќи вчера во Скопје
Десет сообраќајни несреќи се случиле вчера на подрачјето на Сектор за внатрешни работи Скопје, при што едно лице се здобило со тешки телесни повреди, четири со лесни повреди, а во пет имало материјална штета.
МВР соопшти дека од преземените мерки и активности констатирано е дека 26 возачи управувале возила со брзина поголема од дозволената, а десет возачи се исклучени од сообраќај, бидејќи управувале возила без да се стекнат со право за управување на моторно возило.
Поради истечена важност на сообраќајната дозвола од сообраќај се исклучени осум возила. Еден возач е санкциониран бидејќи поминал крстосница на црвено светло. Во однос на пешаците санкционирани се 23 пешаци кои поминале коловоз надвор од пешачки премин. Во текот на изминатиот ден издадени се 101 мандатни платни налози, додека 96 возила се подигнати со „Пајак”, информира МВР.
