Судскиот совет одлучува по претставките за разрешување на судии
Судскиот совет денеска ќе одлучува по претставки за разрешување на судии. Дали ќе се поведе дисциплинска постапка ќе се знае по денешната седница.
Најверојатно на дневен ред ќе се најде и барањето на Советот за одговорност кај судиите за случајот со ослободувањето на Сеад Кочан.
Како што објави Телма, точката 6 од дневниот ред на седницата се однесува на предлогот за отворање постапка за утврдување одговорност на петтемина судии од Врховниот суд на чело со претседателот Јово Вангеловски кој одлучуваше за притворот на бизнисменот Сеад Кочан обвинет во случајот „Труст“ на СЈО.
