Во акција на охридската полиција најдена дрога и уапсени 6 лица
Во периодот од 20 до 23 февруари Секторот за внатрешни работи Охрид, по претходна наредба од судија на претходна постапка, изврше повеќе претреси во домови и други простории, во патнички автомобили како и прегледи на лица.
Притоа, велат од МВР, пронајдени и одземени се околу 60 грама марихуана, 10 грама хероин, 21 грам амфетамин, 10 грама спид, 10 куршуми и еден револвер, непознат калибар.
Пронајдените предмети се одземени со потврда за привремено одземени предмети и предадени на вештачење во Министерството за внатрешни работи во Скопје.
Во рамки на преземените мерки, СВР Охрид од слобода лиши шест лица против кои ќе бидат поднесени соодветни кривични пријави.
