Прегазен пешак во село Орланци, се бори за живот
Вчера околу 19.20 часот на регионалниот пат Куманово- Скопје, патничко возило „Фолксваген Голф“ со скопски регистарски ознаки, управувано од С.Б. (57) од с.Орланци, општина Арачиново, удрило во пешакот П.К. (40) од с.Умин Дол, кумановско.
Од ударот пешакот се здобил со тешки телесни повреди и бил пренесен во Клиничка болница Куманово, но поради сериозноста на повредите бил префрлен во Ургентен центар при комплекс клиники „Мајка Тереза“ во Скопје.
Увид на местото на настанот извршиле Јавен обвинител и увидна екипа од СВР Куманово.
