Во Штип протест против законот за употреба на јазиците
Во Штип вечерва за првпат се одржа протест против законот за употреба на јазиците и против промената на името на нашата држава.
Граѓаните кои беа дел од протестот побараа претседателот на Република Македонија, Ѓорѓе Иванов да си стои на зборот и да не го потпишува законот.
Над 400 граѓани присуствуваа на вечерашниов протест, кој почна од зградата на општина Штип, а потоа протестантите мирно се движеа по улиците покрај реката Отиња во централното градско подрачје, а протестот заврши кај кружниот тек кај Стопанска банка.
