Кога станува збор за изградба на мускулна маса, поголемиот дел од луѓето знаат дека треба да креваат тегови и во својата исхрана да вклучат повеќе протеини. Но, колку е потребно да јадете ако сакате да видите резултати?
Во истражување, во кое учествувале вкупно 1.863 луѓе кои работеле на тренинг на сила и издржливост, откриено е дека оние кои консумираат повеќе протеини, без разлика дали во форма на шејк, нормална исхрана или суплементи, постигнале и подобра и посилна мускулна маса од оние кои не го зголемиле внесувањето на протеини.
Сите учесници биле возрасни, во добра здравствена состојба и работеле на најмалку две сесии вежби за отпор во текот на неделата.
Бенефитите на протеините биле повеќе видливи кај младите луѓе, како и кај оние кои биле нови во вежбањето. Учесниците внесувале меѓу 4 и 120 грама протеини на ден.
На пример, возрасните личности кои внесувале 1,6 грама протеини по килограм телесна тежина остварувале најдобри резултати. Според оваа мерка, возрасна личност од 75 килограми внесувала 120 грама протеини дневно.
Што се однесува до внесувањето, најдобро е да се јаде протеин после тренинг.
Истражувањето заклучило дека консумирањето на протеини пред или по тренинг може да ја зголеми физичката сила, како и да ја зголеми мускулната маса.
