Подгответе брз и вкусен колач без јајца.
Состојки:
500 грама кисела павлака
250 грама шеќер во прав
200 грама чоколада за готвење
100 мл масло за јадење
150 грама брашно
70 грама мелени ореви
1 пакетче сода бикарбона
Малку кокос
Подготовка:
Во сад додадете 400 грама кисела павлака, шеќер во прав, 100 грама растопена чоколада за готвење, масло за јадење, брашно, сода бикарбона и мелени ореви.
Целото тоа добро измешајте го за смесата да се соедини, префрлете ја смесата во тавка (18-26 сантиметри) обложена со хартија за печење. Печете во загреана рерна 30 минути на 200 степени.
Печениот колач оставете го добро да се излади и отстранете ја хартијата за печење.
Во сад додадете 100 грама кисела павлака, 100 грама чоколада за готвење, добро измешајте, па потоа премачкајте го изладениот колач и посипете со кокос.
Исечете го готовиот колач на парчиња и послужете.
