Груевски: Разбирам за што сум обвинет ама не сум виновен
Обвинетите во предметот Титаник се произнесоа дека не се чувствуваат за виновни на денешниот претрес со кој официјално започна судењето по овој предмет.
-Да, разбирам за што сум обвинет, но нема за што да се чувствувам виновен. Не сум сторил никакво кривично дело – рече Груевски кој е првообвинет во предметот.
Сите обвинети рекоа дека го разбираат обвинението против нив освен поранешната заменичка за правда, Билјана Бришкоска Бошковски.
-За жал и денес не можам да разберам зошто се наоѓам во овој предмет. Не знам зошто сум обвинета – рече таа.
Откако обвинителката повторно го прочита обвинението во делот каде е опфатена Бришкоска-Бошковски, таа рече дека не се чувствува виновна.
Поранешниот министер Миле Јанакиески освен што рече дека не се чувствува виновен додаде и дека обвинениеот го сфаќа како политичка порака на СДСМ против него.
