Платите на селекторите на СП: Јоаким Лев најплатен, Алиу Сисе заработува најмалку

Како и пред секое Светско првенство, светските медиуми ги открија платите на секој еден селектор кој ќе седи на кормилото на некој од националните тимови на претстојниот собир на најдобрите репрезентации во светот.

Светското првенство кое оваа година ќе се одржи во Русија носи неколку занимливи податоци за платите на селекторите, а најзанимлив е оној дека точно половина од нив имаат годишна плата помала од 1 милион евра.

Најплатен од сите национални тренери на овој Мундијал ќе биде германскиот селектор Јоаким Лев, кој годишно добива плата од 3,8 милиони евра. На спротивната страна од листата се наоѓа сенегалскиот селектор Алиу Сисе, кој годишно заработува само 198.000 евра и со тоа е единствениот кој има годишна плата помала од 200.000 евра.

Интересно е дека петти најплатен селектор на овој Мундијал е Станислав Черчешов, кој седи на клупата на репрезентацијата на Русија. Иако нема некој посериозен успех со репрезентацијата, тој е платен 2,5 милиони евра годишно. Интересна е и ситуацијата на Роберто Мартинез, кој иако е познат тренер и седи на клупата на силна репрезентација како Белгија, сепак се наоѓа во долната половина од листата.

Платите на селекторите на СП Русија 2018:

1. Јоаким Лев (Германија) – 3.800.000 евра
2. Тите (Бразил) – 3.600.000
3. Дидие Дешамп (Франција) – 3.600.000
4. Хулен Лопетеги (Шпанија) – 2.900.000
5. Станислав Черчешов (Русија) – 2.500.000
6. Фернандо Сантош (Португалија) – 2.200.000
7. Герет Саутгејт (Англија) – 1.900.000
8. Карлос Кеирош (Иран) – 1.900.000
9. Жорге Сампаоли (Аргентина) – 1.800.000
10. Оскар Табарез (Уругвај) – 1.700.000
11. Хектор Купер (Египет) – 1.500.000
12. Хозе Пекерман (Колумбија) – 1.500.000
13. Хуан Пици (Саудиска Арабија) – 1.400.00
14. Берт ван Марвијк (Австралија) – 1.200.000
15. Рикардо Гарека (Перу) – 1.100.000
16. Хуан Осорио (Мексико) – 1.000.000
17. Аге Хареиде (Данска) – 925.000
18. Акира Нишино (Јапонија) – 925.000
19. Роберто Мартинез (Белгија) – 925.000
20. Владимир Петковиќ (Швајцарија) – 845.000
21. Херв Ренард (Мароко) – 777.000
22. Хелмир Халгримсон (Исланд) – 697.000
23. Златко Далиќ (Хрватска) – 546.000
24. Герно Рор (Нигерија) – 498.000
25. Јане Андерсон (Шведска) – 447.000
26. Шин Тае Јонг (Јужна Кореја) – 447.000
27. Хернан Гомез (Панама) – 398.000
28. Набил Малуи (Тунис) – 348.000
29. Оскар Рамирез (Костарика) – 348.000
30. Младен Крстајиќ (Србија) – 298.000
31. Адам Навалка (Полска) – 268.000
32. Алиу Сисе (Сенегал) – 198.000