Мирчевски: Се извинувам во име на Канал 5 за погрешното известување
Директорот на Канал 5, Иван Мирчевски во денешното издание на Само вистина, испровоциран од неговиот гостин, министерот Роберт Поповски, се извини за манипулациите и погрешното известување на Канал 5 за време на претходната власт.
-Ако било режим, мислите се работело во розеви услови. Тогаш ми беа одземни ингеренциите. Сега ми се вратени ингеренциите. Јас се извинувам во името на медиумот. Во името на сите вработени им се извинувам на сите кои сме им нанеле неправда. Тоа е доблест. Канал 5 веќе година е на средина. Дојде момент и ние рековме доста е, од сега сме на средина. Сега немаме никаков притисок, рече Мирчевски.
Што се однесува до парите земени за владини реклами, Мирчевски рече дека тие пари се заработени и Канал 5 ги емитувала сите реклами за кои било платено.
