Мицкоски кажа дека како советник во Владата зимал 0 денари, а бил платен 20 илјади евра
1,2 милиони денари е износот кој му бил исплатен на лидерот на ВМРО ДПМНЕ, Христијан Мицкоски, за неговиот ангажман како советник во кабинетите на тогашните премиери Никола Груевски и Емил Димитриев. Според документите со кои располагаме Мицкоски бил ангажиран во периодот од април 2015 година до октомври 2016 година.
Во тој период, освен за два месеци, месечниот надомест кој му бил исплаќан е 68.363 денари или 1.100 евра пренесува Телма.
На ТВ дуелот со премиерот Зоран Заев, Мицкоски кажа дека работел про боно и дека службите на Владата не можеле да ја најдат сумата бидејќи таа не постоела.
