Иванов: За мене личниот договор меѓу Заев и Ципрас е неприфатлив

Тој истакна дека денеска за прв пат имал увид во договорот со кој, како што рече, прекршени се позициите кои досега беа изградени.

„На средбата со Заев и Димитров им кажав дека ова е нивен личен договор, нивна одлука и одговорност. Договорот е недостоинствен и неприфатлив, а со него се кршат уставот и законите“, рече Иванов.

Претседателот додаде дека со договорот не се предвидува само промена на името, туку и промена на преамбулите, меѓу кои и бришење на членот од уставот за македонското малцинство.

„Договорот нема правна сигурност и гаранции за македонската страна. Грција успеа да ги исполни нејзините барања. Тоа што го направи со Македонците во Грција, преку договорот настојува да го направи и со Македонците во Македонија“, заклучи Иванов.