Превртен колач со сливи

СОСТОЈКИ:

3 јајца

2 помали шолји брашно

2 мали шолји гриз

1 мала шолја масло

150 гр шеќер

кора од лимон

малку цимет

1/2 кг сливи

1 ванилин шеќер

шеќер во прав по желба

прашок за печиво

НАЧИН НА ПОДГОТОВКА:

Во тенџере растопете 3 лажици шеќер додека убаво не се карамелизира па ставете на дно од плех кој сте го обложиле со хартија за печење. Од горе наредете сливи и ставете малку цимет.

Разматете јајца со шеќер, додајте масло, брашно, гриз, прашок за печиво и кора од лимон па добро изедначете и ставете преку сливите.

Протресете го плехот и печете на 200 степени околу 40 минути. Печениот колач посипете го со ванилин и шеќер во прав по желба.