Тешко повреден возач откако камион се преврте на патот Ранковце-Крива Паланка
Поради тешка сообаќајна незгода, блокиран е сообраќајот на патот Ранковце- Крива Паланка , кај местото викано Просеченик пренесува Ако.мк.
До несреќата дошло кога товарно возило со скопски регистарски таблички од засега непознати причини удрило во карпите покрај тесниот пат и излетало во ендекот, по што се превртело.
Возачот со тешки телесни повреди е префрлен во Кумановската болница, а во моментот екипа на ПС од Крива Паланка врши увид на местото на настанот.Сообраќајот е блокиран а возилата кои транзитираат кон градот и до граничниот премин Деве Баир се запираат.
