Сакале ние да признаеме или не, ни високата оценка не гарантира дека медот е високо квалитетен, бидејќи тоа што е скап не секогаш значи дека во текот на производството производителот не се служел со разни измами.

Стручните лица од оваа област ни откриваат неколку едноставни начини на откривање вештачки мед.

– Прво што можете да пробате е малку да го протриете медот помеѓу палецот и показалецот. Ако ви се лепат прстите, значи дека содржи шеќер или некои други вештачки засладувачи. Природниот мед не е леплив.

– На хартија или на хартиена марамица ставете неколку капки мед. На природниот мед ќе му биде потребно многу време за да помине низ хартијата, бидејќи не содржи вода.

– Наполнете една чаша со вода и во неа додадете една капка мед. Природниот мед ќе падне на дното и ќе остане компактен, додека вештачкиот мед ќе почне да се раствора во водата.

– Намачкајте го медот на парче леб. Природниот мед ќе го стврдне лебот за неколку минути, а вештачкиот ќе го намокри, бидејќи содржи вода.

– Пред да го голтнете природниот мед, ќе почувствувате боцкање во устата, кое што ќе го нема доколку се работи за вештачки мед.

– Приодниот мед со текот на времето ќе се кристализира, додека вештачкиот ќе остане течен.

– Врвот од кибритот потопете го во мед и запалете го. Природниот мед нема да ви пречи во процесот на согорување, за разлика од вештачкиот, кој содржи вода во себе.

Липов мед

Бистар е, речиси безбоен и благ. Го олеснува дишењето и се препорачува за настинка и грип. Го стимулира потењето, добар е за варење, ги ублажува грчевите и ја ублажува болката. Корисен е за проблеми со бубрезите.

Цветен мед

Се прави од разни видови цветови, во зависност од времето. Тој е благ и има убав вкус. Поради посебниот состав кој го содржи во себе, се препорачува за подигање на имунитетот и закрепнување после болест, а исто така се препорачува за алергии и алергиска астма.

Багремов мед

Го карактеризираат со многу силна боја и нежен вкус. Овој тип на мед им одговара на поголем дел од луѓето, бидејќи неговиот вкус не се чувствува многу. Исто така се користи доколку имате проблеми со крвните садови. Поради седативниот ефект, помага при несоница, нервоза и напнатост.

Шумски мед

Овој тип на мед е многу ценет. Многу е вкусен и е темен по боја. Многу брзо се кристализира. Тој е анти-микробен и анти-воспалителен агенс. Поради високата концентрација на железо, се препорачува на анемични лица, а исто така се препорачува и за закрепнување после тешка хируршка интервенција. Тој е богат со минерални соли и содржи многу шеќер.