Кафето е дефинитивно една од оние работи, за кои експертите постојано го менуваат мислењето. Некогаш зборуваат дека е здраво, па потоа одеднаш ќе речат дека не е, па повторно дека е, и така постојано во круг.
Но, секако дека е добро, понекогаш да се намали со внесувањето на кофеин, посебно ако пиете по пет кафиња дневно. А тука се и оние кои не сакаат кафе, па се обидуваат да пронајдат нешто друго, што наутро ќе ги разбуди еднакво добро како и кафето.
Токму поради тоа, ви откриваме неколку одлични алтернативи за кафето, кои воедно се и поздрави, а наутро ќе ви ја дадат потребната енергија за успешно вршење на работните активности во текот на денот.
Јаболка
Наместо да се напиете кафе, наутро кога ќе се разбудите изедете една сочна јаболка. Научниците веќе одамна потврдија дека ова овошје ќе ве освежи, а природните шеќери ќе ве одржат будни подолг временски период, во однос на кафето.
Лимонада
Наместо да чекате до појадокот, веднаш кога ќе се разбудите напијте се чашка топла лимонада. Млаката вода помага во чистење на организмот, а лимонот ќе ве разбуди и ќе помогне во топењето на калориите во текот на целиот ден.
Разбудете се со етерични масла
Сите знаеме дека лавандата помага за полесно да заспиеме, но постојат и етерични масла од кои полесно ќе се разбудите. Некои од нив се босилек, рузмарин, лимон и мента.
Вежбајте
Зарем има подобар начин за брзо будење од вежбањето? Знаеме дека таа идеја не им се допаѓа на сите, но секој треба барем еднаш да проба, бидејќи чувството кое ќе го добиете од вежбање рано наутро е навистина позитивно.
