Тиквичките се користат за солени јадења, но еве еден пример, како можеме да ги користиме и во колачи како овој.
Потребни состојки:
600 грама млади тиквички
50 грама маргарин
3 јајца
100 грама шеќер
150 мл. млеко
100 грама брашно
100 грама гриз
100 грама ореви (мелени и сецкани)
1 пакетче прашок за печење
1 пудинг од ванила
За фил:
300 мл. слатка павлака
50 грама млечна чоколада
50 грама маргарин
100 мл. вода
1 лажица пудинг од чоколада
Подготовка:
Тиквичките изренадајте ги и посолете ги малку, па оставете ги да пуштат вода. Во сад за матење изматете ги јацата со шеќерот, додадете ги млекото и претходно растопениот маргарин, брашното, гризот, оревите, прашокот за печење и прашокот за пудинг. На крај, додадете ги исцедените тиквички. Се заедно добро измешајте и ставете во тавка за печење. Печете 30 минути на 200 степени во загреана рерна.
Подготовка на фил: Во тенџере на оган ставете ги да се варат слатката павлака, чоколадата и маргаринот. Посебно изматете 1 лажица прашок за пудинг од чоколада и вода, па потоа и нив додадете ги во тенџерето со слатката павлака. Варете се додека смесата не ја добие потребната густина. Топлиот фил прелијте го врз изладениот колач, поросете со мелени ореви и оставете го колачот во ладилник да се излади. Изладениот колач исечете го на коцки.
