СЈО ja презема истрагата за затворањето на весниците на МПМ
Специјалното јавно обвинителство ја побарало од Основното јавно обвинителство документацијата за затворањето на весниците во сопственост на Медија принт Македонија.
СЈО од сега ќе ја води истрагата за тоа како згаснаа трите весници и ќе ги истражува сомнежите за злоупотреба на службената положба од тогашните први луѓе на фирмата, Срѓан Керим и Јана Станисављева.
Предметот е побаран од јавното обвинителство откако СЈО утврдило дека има надлежност.
Во време на затворање на весниците истражители на СЈО можеа да се видат во просториите на МПМ. Фирмата е сега во стечајна постапка.
