Времето ќе биде променливо облачно и нестабилно, на повеќе места со пороен дожд и грмежи. Понестабилно ќе биде во западните и крајните источни делови, особено во попладневните часови, а најмалку врнежи ќе има долж Повардарието каде ќе дува умерен до засилен северозападен ветер.
Утринската температура ќе се движи од 10 до 19, а дневната од 20 до 32 степена.
Во Скопје ќе биде променливо облачно и нестабилно. Утринската температура ќе се спушти до 18, а дневната ќе се искачи до 28 степени. Во наредните денови дневната температура ќе биде малку под просекот за овој период од годината.
