Полицијата апелира до граѓаните да се воздржат од пукање на свадби и други семејни свечености и потсетува дека пукањето претставува нарушување на јавниот ред и мир, а користењето на огнено оружје на овие свечености, исто така, може да резултира и со многу посериозни последици.
За ваквиот прекршок е предвидена глоба од 200 до 500 евра во денарска противвредност.
Зависно од видот и карактерот на истите, различни се и кривично-правните импликации, кои се движат од шестмесечна до 10-годишна затворска казна. На граѓаните им се советува, наместо со оружје, свадбената радост и веселба да ги искажуваат на друг начин.
Изминативе години, токму на свадбени и други семејни свечености беа регистрирани неколку повредени лица.
