Teшко повредена 16-годишна девојка, возило се заби во електричен столб
Во прилепското село Ропотово вчера околу 12 часот С.А.(45) од село Секирци управувајќи патничко моторно возило „лада самара” со прилепски регистарски ознаки изгубил контрола над возилото и удрил во електричен столб.
Во незгодатата тешки телесни повреди добила 16-годишна сопатничка, исто така од село Секирци. По укажана лекарска помош во Општа болница Прилеп повредената е пренесена во Комплекс клиники „Мајка Тереза” во Скопје. Извршен е увид на местото на настанот.
