Земјата сè повеќе се ниша – научниците предупредуваат: “Планетата е вон рамнотежа”
Новото истражување покажало дека Земјата сè повеќе се ниша додека се врти околу својата оска, а научниците од НАСА сметаат дека човештвото е делумно виновно за ова.
Експертите веруваат дека топењето на поларниот лед и забрзаното согорување на фосилните горива играат важна улога во исфрлање на Земјата од својата рамнотежа.
Научниците од Лабораторијата за реактивен погон во Пасадена, Калифорнија идентификувале три главни фактори кои влијаат на ротацијата на планетата. Претходно се сметало дека за благото поместување е исклучиво одговорен процесот познат како “глацијално подигнување”.
