Фудбалерите на Манчестер Јунајтед играат во лоша форма, а синоќа не успеаа да слават на домашен терен против Валенсија (0:0) во второто коло од групната фаза од Лигата на шампионите.
Многумина веќе ги отпишаа „Црвените Ѓаволи“ од битката за титулата во Премиер лигата иако е почеток на октомври, а истото важи и за Лигата на шампионите, затоа што со ваква игра, тешко дека Јунајтед ќе оствари успех. Посебно незадоволен е Пол Сколс.
„Јас навистина не знам како е можно Мурињо се уште да е тука, посебно после настапот против Вест Хем и неговото однесување после натпреварот. Тој на прес-конференцијата ги нападна играчите, луѓето кои што се над него, но ништо не кажа за себе. Не знам дали јазикот му е побрз од умот, но знам дека го срами клубот“, изјави Пол Сколс.
Ова Сколс го изјави пред вчерашниот меч против Валенсија на кој што Јунајтед повторно разочара.
