Комисијата со 10 За и 7 против гласови, изгласа да почне постапка за уставни измени
Десет пратеници во Комисијата за уставни прашања го поддржаа Предлогот за менување на Уставот и ја задолжија Владата во рок од 15 дена да го подготви текстот на нацрт-амандманите. Седуммината опозициски пратеници сметаат дека немаат мандат за менување на името на државата и гласаа против, додека власта апелираше да размислат бидејќи подобар договор не може да се постигне, а тој е главниот услов за ЕУ и за НАТО.
Во опозициската коалиција има и поинакви мислења. Панчо Минов предложи и ние да и поставиме некакви услови на Грција. За неговите два предлога за одложена примена на името Република Северна Македонија, премиерот Заев е подготвен да разговара и со Мицкоски и со Ципрас
В понеделник на пленарна седница Собранието треба да донесе и сопствена одлука за менување на уставот. За ваква одлука е неопходно двотретинско мнозинство.
