Скрининг во Дирекцијата за заштита и спасување, Европскиот механизам за цивилна заштита
Детална анализа на сите клучни сегменти во системот за заштита и спасување, детектирање на слабостите, но и добрите практики ќе бидат опфатени со скринингот во Дирекцијата за заштита и спасување, кој започна денеска и ќе трае до 25 октомври, а ќе го спроведува тим од ЕУ и државите кандидатки.
Како што соопштија од ДЗС, со скринингот, кој е инструмент во рамките на Европскиот механизам за цивилна заштита, меѓу другото ќе се разменуваат искуства и ќе се дадат насоки и препораки кои ќе придонесат за унапредување на системот.
На денешниот состанок во ДЗС, предводен од директорот на Дирекцијата Аднан Џафероски, покрај претставници од надлежните домашни институции, учествуваа и експерти од Европската Комисија, Велика Британија, Тунис, Германија.
