Повредени двајца работници во Гостивар
Во два одделени случаи, двајца работници се задобиле со тешки повреди откако паднале од скали додека работеле на објекти во гостиварско.
Гостиварецот Н.А. (25) вчера, во село Беловиште, Гостиварско, при работа на куќа сопственост на Џ.Д., се лизнал од скалата на која стоел и паднал на бетонската подлога во висина од четири метри. Тој бил пренесен во гостиварската општа болница каде му биле констатирани тешки телесни повреди, по што бил префрлен во Ургентен центар при комплексот клиники „Мајка Тереза“ во Скопје.
Во вториот случај, при монтажа на клима уред во сервис на улица „Илинденска“ во Гостивар паднал од скала и тешко повредил Д.К.(36). Во гостиварската болница му е констатирана фрактура на една рака.
Во двата случаја е извршен увид во присуство на државен инспектор по труд. Се преземаат мерки за расчистување на околностите под кои се случиле несреќите. Од почетокот на октомври, во гостиварскиот регион регистрирани се вкупно четири повреди при работа.
