Меган Маркл изминатите недели успешно го криеше трудничкото стомаче, но откако од палатата официјално потврдија дека на пат е уште едно кралско бебе, повеќе нема потреба од криење.
Војвотката од Сасекс е во 4 месец од бременоста, а стомачето сè повеќе расте. Моментално со принцот Хари се на турнеја низ Австралија, а синоќа се појавија на еден настан во Фиџи, каде Меган навистина блесна.
Меган се појави во долга сина тоалета и гордо го покажа трудничкото стомаче кое прилично пораснало. Бебето пристигнува на пролет, а британските кладилници веќе примаат облози за името на девојчето или момчето.
