Босански готвачи поставија нов светски рекорд во правење палачинки
Група од околу 160 босански готвачи поставија нов светски рекорд, откако направија 12.874 палачинки за помалку од осум часа.
Рекордот беше поставен за време на Фестивалот на туризмот во Сараево. Босанскиот тим со ова го урна претходниот рекорд од 12.716 палачинки што го поставија руски готвачи.
Палачинките кои беа направени за рекордот им се делеа на присутните граѓани, а дел од нив беа донирани во мигрантскиот центар „Ушивак” крај Сараево.
