Тргувањето на европските берзи утринава почна со драстичен пад на најважните индекси, под влијание на острите корекции на цената на нафтата и одлуката на италијанската влада да го игнорира барањето на Европската комисија да го ревидира својот буџетски предлог за следната година.
Цените на нафтените компании се намалија во просек за 1,9 отсто, а на рударските компании за 2,1 отсто.
Трговците ги следат трендовите на пазарите на нафта по вчерашното намалување на цените на американскиот пазар за повеќе од 7 отсто, што е најголема дневна загуба во последните две и пол години. Утрово се намали за уште 0,5 проценти на 55,40 долари, што е најниското ниво во една година.
На лондонскиот пазар цените на барел, по вчерашното опаѓање за 6,8 отсто, се намалија ова утро за 0,2 отсто на 65,35 долари, близу до најниското ниво за осум месеци.
