Фудбалскиот клуб Челси се соочува со жестока казна од страна на ФИФА која го истражува трансферот на млад талентиран фудбалер.
Имено, од ФИФА го истражуваат трансферот на Бертранд Траоре кој првиот професионален договор со клубот го потпиша во септември, 2013 година откако наполни 18 години.
Од светската куќа на фудбалот веќе три години го истражувале случајот, и нашле сериозни индиции за вина на клубот. Токму затоа на Челси му се заканува забрана за трансфери на играчи во следните две сезони, односно клубот од Лондон нема да смее да купува играчи во четири трансфер периоди.
Бертранд Траоре во моментов настапува во тимот на Лион откако и дефинитивно го напушти Лондон во 2017 година.
