Министерството за животна средина и просторно планирање е во процедура на набавка на телефонска централа, за што е склучен договор со Македонски Телеком АД Скопје. Од таму појаснуваат дека ќе бидат снимани само разговорите на контакт центарот, a опремата која ќе биде не преставува специјализирана опрема за снимање и прислушкување на телефонски разговори
„Телефонската централа која треба да се набави има вграден хард диск кој што служи за зачувување на потребните конфигурациски фајлови и системски пораки како на пр. дојдовни пораки, пораки за говорно сандаче и сл., а за да биде активирана споменатата услуга за снимање на разговори, потребно е претходно да биде активирана лиценца за снимање на разговори. Имено, Министерството за животна средина и просторно планирање има предвидено да отвори Контакт центар, каде што граѓаните ќе имаат можност да пријават загадувач и за чија цел ќе биде набавена и потоа активирана лиценца со помош на која телефонската централа ќе има можност за снимање. Снимањето ќе биде на само еден говорен канал (телефонската линија на контакт центарот).“, велат од Министерството.
Истата ќе се користи, додаваат од таму, заради подобрување на квалитетот на услугите кон граѓаните, додека работењето на контакт центарот ќе биде во согласност со националната легислатива и законот за заштита на лични податоци.
„Снимањето на телефонските разговори е стандардна функционалност на сите нови телефонски централи од сите реномирани производители и секако опремата која ќе биде набавена никако не преставува специјализирана опрема за снимање и прислушкување на телефонски разговори“, велат од Министерството.
