Eјми Вајнхаус почина на 23 јули 2011 година на 27-годишна возраст, а за нејзината смрт многумина го посочуваа како виновник нејзиниот поранешен сопруг, Блејк Филдер Сивила.
По нејзината смрт, Блејк призна дека бил првиот што на Ејми и дал хероин, но седум години подоцна реши целосно да ја смени приказната!
Имено, тој во шоуто „Добро утро Британија” зборуваше за односот со Ејми, но исто така и за заедничката зависност од дрога.
„Ејми и јас бевме заедно шест или седум години со прекини. Нашата врска беше турбулентна. Имавме еден поголем прекин што беше проследен од страна на медиумите, но ние се смиривме. Со години ме прозиваат заради употреба на дрога, но вистината е дека се дрогиравме околу шест месеци за време на нашиот брак и тоа е тоа. Пред тоа Ејми не земаше дрога, само пушеше марихуана, а јас земав хероин само четири или пет пати“, рече Блејк.
На прашањето од водителот дали чувствува каква било одговорност за нејзината смрт, тој одговорил:
„Јас секогаш ќе се чувствувам виновен, но не сум подготвен да бидам единствената личност што ја обвинуваат. Ејми не правеше ништо што не сакаше да направи. Јас секогаш ќе го носам товарот на вина, и денес мислам дека требаше поинаку да се однесувам.
Кога вели поинаку Блејк веројатно мисли на своите поранешни изјави, а една од нив се однесува на неговото признание дека Ејми пробала хероин поради него.
Пушев во хотелската соба и ме праша дали може да добие малку. Јас се побунив, но не премногу. Што и да речев, таа ќе го пробаше на крај. Се разбира, сега ми е жал за тоа, не само поради штетата што и ја направив, туку и поради штетата што ја претрпеа нашите семејства, па и јас. Сите сме поминале низ оваа зависност“, изјави Блејк за „Индепендент“ во 2013 година.
Во таа пригода, Блејк рече дека се развел од Ејми затоа што тоа го барал од него нејзиниот татко Мич!
