Одбраната на Алисон Бекер на крајот се покажа како клучна за пласманот на Ливерпул во нокаут фазата во Лигата на шампионите, но покрај бравурата на Бразилецот во 92-та минута, момент кој исто така имаше круцијално значење беше и оној кога Мохамед Салах погоди за 1:0.
Салах уште еднаш истапи кога највеќе беше потребно и голот го постигна обезбедувајќи му пласман на Ливерпул во осминафиналето во Лигата на шампионите. Но, сепак моментот кој освои многу срца, не беше голот и одбраната на Алисон, туку реакцијата на еден слеп фан на Ливерпул кој беше присутен на трибините на „Енфилд“.
Посебно импресивно е тоа што неговиот хендикеп не го спречи да ужива во фудбалската магија со која тој очигледно се соживува преку слухот. Дека ова видео стана вирално говорат и реакциите после неколку денови од завршувањето на мечот, каде се говори за тоа со каква магија располага фудбалската игра.
