Меган Маркл на доделувањето на Британските награди за мода
Војводката од Сасекс, Меган Маркл ненадејно се појави на свеченоста на Британските награди за мода, каде што присутните ги остави без здив, пишува „Дејли мејл”.
Војводката (37), која е бремена, се појави во едноставен црн фустан со отворено рамо, креација на модната куќа „Живанши” и ја додели наградата за Дизајнер на годината на Клер Вејт Келер.
– Оваа жена е неверојатна. Имав можност да ја запознаам Меган на многу лично ниво. Некој да ви верува во толку личен момент во животот. Не можам доволно да и се заблагодарам бидејќи тоа беше прекрасен момент, рече добитничката на наградата Келер.
