Шефот на српската дипломатија, Ивица Дачиќ, зборуваше за евентуално сценарио за промена на форматот на преговорите меѓу Србија и Косово.
„Дколку евентуално почне сценарио за промена на форматот на преговорите за решение за Косово и Метохија, така што бриселскиот дијалог би бил заменет со разговори во кои би била вклучена Америка, српската страна би требало да ја повика и Руската Федерација да земе учество“, рекол Дачиќ за „Спутник“.
Приштина најави дека од јануари па до крајот на идната пролет дијалогот меѓу Белград и Приштина влегува во нова фаза во која, како што рекол заменик министерот за надворешни работи на Косово, Енвер Хоџај, би бил вклучен и Вашингтон.
Дачиќ рекол и дека Белград, во секој случај, потполно и без резерва е посветен на дијалогот кој може да продолжи кога Приштина ќе ги повлече таксите.
