Супер агентот Жорге Мендеш во изјава за медиумите во Италија коментираше како се случил трансферот на Кристијано Роналдо во Јувентус.
Португалскиот ас уште во јануари занел дека ќе си замине од редовите на Реал Мадрид, а на Мендеш му порачал дека сака да направи трансфер само во Јувентус.
– Во јануари 2018 година, јас и само уште неколку луѓе знаевме што се случува и дека ќе биде многу тешко да се однесе Кристијано во Јуве. Како и да е, сакам да кажам дека идејата за трансфер во Јувентус беше само од играчот. Роналдо ми кажа дека тој единствено сака да игра за Јувентус.
– Тогаш почна се, па јас имав неколку средби со директорите на „Бјанконерите“ во изминатите месеци. Сега Кристијано е среќен во клубот и со новите соиграчи, задоволен е со настапите во Серија А – коментираше Жорге Мендеш.
