При вчерашната експлозија на бомба поставена на пат во близина на Пирамидите од Гиза загинаа најмалку четири лица, соопшти египетското Министерство за внатрешни работи.
Инцидентот се случи кога автобус со туристи налетал на рачно изработена бомба поставена на пат.
На лице место загинаа двајца туристи од Виетнам, а во болница починаа туристичкиот водич и уште еден виетнамски турист.
При експлозијата повредени се 12 луѓе, меѓу кои и возачот на автобусот.
Се уште никој не презеде одговорност за нападот.
