Во пресрет на новогодишните празници, вечерва исто така ќе има забава и музичка програма во новогодишната населба „Винтерленд“ на плоштадот „Македонија“.
Програмскиот дел почнува во 11 часот со настап на улични забавувачи и забавување со карактерите од царството на Волт Дизни.
Вечерната музичка забава почнува во 20 часот со настапот на музичката група „Tafa and the bend“, а продолжува во 22 часот со ДЏ сет на Тони Зен и „Boogieman“.
Од 15 декември до 31 декември, Градот Скопје за граѓаните во главниот град подготви најразлични доживувања и незаборавна забава за новогодишните празници во новогодишната населба „ВИНТЕРЛЕНД“.
За љубителите на зимските спортови поставено е и бесплатното лизгалиште „ЕУ за тебе“.
