Жена монструм си купила ирачко девојче (5) и го држела како роб и свирепо го мачела до смрт
Германката Џенифер В. (27) и нејзиниот сопруг во 2015 година купиле петгодишно девојче кое го држеле како робинка во ирачкиот град Мосул и свирепо ја мачеле до смрт.
Петгодишното девојче било во групата заробеници кои во северен Ирак ги заробиле припадниците на терористичката Исламска држава (ИД).
Џенифер се приклучила кон Ид во 2014 година во Ирак. Патролирала низ парковите на Мосул и Фалуџа, вооружена со калашников, пиштол и обвиткана со експлозив, со задачи да надледува дали жените се облекуваат и однесуваат во склад со одредбите кои ги наметнале џихадистите.
Кога девојчето се разболело и се измочкало во кревет, сопругот на германската терористка го извел детето пред куќа и за казна со ланец го врзал и го оставил да се пече на сонцето се додека девојчето во тешки маки не починало од жед. Џенифер не направила ништо да го спаси животот на детето.
Неколку месеци после тој настан, терористката се појавила во германската амбасада во Анкара за да ги обнови своите документи, но тогаш турската полиција ја уапсила. Испорачана е во Германија, каде поради недостаток на докази е пуштена да се врати во својата куќа во Долна Саксонија.
Меѓутоа, кога повторно се обидела да отпатува во Сирија, полицијата во октомври ја уапсила и од тогаш е во притвор. Обвинета е за убиство и воени злосторства. Во случај да биде осудена, и се заканува доживотен затвор.
По тригодишна окупација, Мосул минатата година е ослободен од ИД, кој изгуби контрола над речиси сите територии кои ги контролираше во Ирак и Сирија.
