Славниот актер Киану Ривс на каскадерите со кои работеше на Matrix им купи мотоцикли. Својот хонорар за улогата во филмот го подели со екипата која работеше на специјалните ефекти и костими, но ова е само дел од добрите дела што актерот ги прави.
Иницираше да му исплатат помал хонорар за во поедини филмови да глумат и други ѕвезди, како што беше случајот со Ал Пачино во The Devil’s Advocate.
Иако е славен, користи јавен превоз и често се дружи со бездомници.
Има многу работи кои се малку познати за Киану Ривс, а тоа е дека е многу дарежлив со парите, со оглед на фактот дека со години тајно донира во хуманитарни цели и за болници. Во 2009 година тој потврди дека има приватна фондација:
„Имам приватна фондација која постои 5 или 6 години и им помага на неколку болници за деца и истражувања за рак. Не сакам моето име да се поврзува со неа, ги оставам луѓето да си ја вршат работата“.
Тој исто така помага и за заштита на правата на животните.
