Во честитката Кирацовски наведува дека симболиката, големината на Христовото раѓање е секој да ја почувствува радоста, спокојот и мирот.
„Дозволете да посакам во секој од нас да се роди добрина, љубов и човечка почит. Нека ве грее огнот на среќата, радоста и семејната топлина. Да се почитуваме, да дадеме придонес во негувањето на човековите вредности, многу значајни и за општеството кое сите ние заедно го градиме. Нека е честит големиот празник Рожденство Христово – Божик! За многу години, Христос се роди!“, стои во честитката на Кирацовски.
