Скопјанец бил тешко повреден кога автомобилот што го возел излетал од коловозот, вчера на регионалниот пат Скопје-ХЕЦ Козјак, информираше МВР.
Според полицијата, сообраќајната несреќа се случила околу 13 часот во атарот на село Варвара. Тогаш автомобил „голф“ управуван од Д.К.(54) од Скопје, излетал надвор од коловозот и се превртел.
Возачот со возило на Итна медицинска помош бил пренесен во Комплексот клиники “Мајка Тереза“, каде му биле констатирани тешки телесни повреди. Извршен бил увид од страна на СВР-Скопје.
